پاکستان اور سری لنکا کے درمیان ون ڈے میچز نہیں ہوسکیں گے

پاکستان اور سری لنکا کے درمیان ون ڈے میچز نہیں ہوسکیں گے

پاکستان کرکٹ ٹیم کے دورہ سری لنکا میں ون ڈے میچز کو شامل کرنے کی تجویز کو حتمی شکل نہ دی جا سکی۔اس حوالے سے ذرائع کا کہنا ہے کہ پاکستان اور سری لنکا بورڈز کے درمیان اس معاملے پر ابتدائی بات چیت ہوئی تھی تاہم ناگزیر وجوہات کی بنیاد پر وائٹ بال سیریز کو حتمی شکل نہ دی جا سکی۔ذرائع کے مطابق سری لنکا کرکٹ نے ورلڈ کپ کے پیش نظر دورے میں ون ڈے میچز شامل کرنے کی تجویز دی تھی۔ذرائع کے مطابق ٹیسٹ سیریز جولائی میں ہوگی جس کے شیڈول کا سری لنکا کرکٹ جلد اعلان کرے گا۔پاکستان اور سری لنکا کے درمیان اب سیریز صرف ٹیسٹ میچز پر ہی مشتمل رہے گی اور یہ 2 ٹیسٹ میچز آئی سی سی ٹیسٹ چیمپئن شپ کا حصہ ہیں۔