لالچی ماں نے ایک دن کے بیٹے کو ایک لاکھ میں بیچ دیا

لالچی ماں نے ایک دن کے بیٹے کو ایک لاکھ میں بیچ دیا

بھارت میں لالچی ماں نے ایک لاکھ روپے کے عوض اپنے ایک دن کے نومولود بیٹے کو بیچ ڈالا۔بھارتی میڈیا کے مطابق پولیس کا کہنا ہےکہ یہ واقعہ بھارتی ریاست جھارکھنڈ کے ضلع چترامیں پیش آیا۔پولیس کا کہنا ہےکہ نومولود کی ماں سمیت جرم میں ملوث دیگر افراد کو بھی گرفتار کرلیا گیا ہے اور ماں کے قبضے سے ایک لاکھ روپے بھی برآمد کرلیے گئے ہیں۔پولیس نے بتایا کہ نومولود کو بیچنے کی ڈیل ساڑھے 4 لاکھ میں ہوئی تھی۔پولیس کے مطابق چترا کے ڈپٹی کمشنر کو واقعے کی اطلاع ملی جس پر انہوں نے پولیس کو آگاہ کیا، پولیس نے فوری ایکشن لیتے ہوئے 24 گھنٹے کے اندر نوزائیدہ کو بوکارو ضلع سے برآمد کر لیا۔